Қазақстан құрамасы пара каноэден 12 медаль жеңіп алды

Пара каноэден Азия чемпионатында Қазақстан құрамасы 12 медаль жеңіп алды. Ұлттық құрама сапында сынға түскен 11 спортшының қоржынында 1 алтын, 7 күміс және 4 қола жүлде бар. Дүбірлі додаға Қазақстан, Өзбекстан, Үндістан, Корея Республикасы, Иран, Ирак және Таиландтан жүзге жуық спортшы қатысты. Олар байдарка мен каноэ бағдарламалары бойынша бақ сынады. Қазір қазақстандық спортшылар алдағы халықаралық жарыстарға дайындықты бастап кетті. Алда Польша мен Жапонияда өтетін маңызды бәсекелер күтіп тұр.