Қазақстан құрамасы садақ атудан топ жарды

Түркияда садақ атудан өткен әлемдік додада Қазақстан құрамасы жалпы есепте бірінші орынды иеленді. 50 және 30 метр қашықтықтағы нысанасы көздеп, 3 алтын, 2 күміс, 3 қола медальді қанжығаға байлады. Ел мақтаныштарын жақындары елорда әуежайынан күтіп алды.

Айта кетейік, әлемдік додаға 45 елден келген 500-ден астам спортшы қатысты. Қарсыластар қатарында Малайзия, Индонезия, Венгрия, Қырғызстан, Түркия, Ресей, Монғолия, Қытайдан келген мергендер бар. Ыстанбұл қаласында өткен бәсеке садақ ату сайысы бойынша əлемдік деңгейдегі басты турнир болып саналады. Биыл 14-жыл қатарынан ұйымдастырылып отыр.