Бибісара Асаубаева FIDE Women’s Circuit рейтингінде көш бастады

Қазақстандық шахматшы Бибісара Асаубаева FIDE Women’s Circuit әйелдер рейтингінің жаңартылған тізімінде бірінші орынға көтерілді. Бұл туралы Халықаралық шахмат федерациясының  баспасөз қызметі хабарлады. Отандасымыз жалпы 51,30 балл жинап, екі жылдық циклдің аралық рейтингінде көш бастады. Бұған дейін қазақстандық шахматшы төртінші орында тұрған еді. Бибісара Асаубаева бұл жетістікке Норвегия астанасы Ослода өткен беделді Norway Chess Women-2026 турниріндегі сәтті өнер көрсетуінің арқасында жетті. Сол жарыстағы жеңісі Асаубаеваға бірден 29,7 рейтингтік ұпай әкеліп, айқын басымдыққа ие болуына мүмкіндік берді.