Astana 2026 World Boccia Cup турнирі мәресіне жетті

Астанада боччадан Astana 2026 World Boccia Cup турнирі мәресіне жетті. Халықаралық жарысқа әлемнің бірнеше елінен келген спортшылар қатысып, Паралимпиада ойындарына қажетті рейтингтік ұпайлар үшін бақ сынады. Нәтижесінде ВС1 санатында Индонезия құрамасы, ВС3 санатында Франция, ал ВС4 санатында Ұлыбритания құрамасы чемпион атанды. Турнирдің жабылу рәсіміне Сенат төрағасы, Қазақстан бочча федерациясының президенті Мәулен Әшімбаев қатысып, параспорттың елімізде қарқынды дамып келе жатқанын атап өтті және әлем кубогінің жеңімпаздарын марапаттады.