Telegram-да алаяқтықтың жаңа түрі пайда болды

Telegram-да алаяқтықтың жаңа түрі пайда болды. Әккілер өзін Telegram-ның ресми қызметі ретінде көрсетіп, аккаунтыңызды жою туралы сұрау түскені жөнінде хабарлама жібереді. Сілтемеге өткен жағдайда, сізден растау коды сұралады. Кодты енгізсеңіз, алаяқтар аккаунтыңызға қол жеткізуі мүмкін. Сондықтан құзырлы орган өкілдері өзіңізді қорғау үшін, күдікті сілтемелерге өтпеуді ескертеді. Тelegram немесе SMS арқылы келген кодтарды да ешкімге айтпаған жөн. Екі сатылы қорғанысты яғни, қосымша құпиясөзді қосыңыз және хабарлама жіберушінің профилін мұқият тексеріңіз. Есіңізде болсын, Telegram ешқашан аккаунтты сақтау немесе жоюды тоқтату үшін бот арқылы код сұрамайды.