660 сарбазға білім гранты табысталды

660 сарбазға білім гранты табысталды. Барлығы Ұлттық ұлан сапындағы жауынгерлер. Биыл төрт мыңға жуық мерзімді әскери қызметкер білім беру бағдарламасына қатысуға өтініш берген. Үздіктері іріктелді. Енді олар тегін оқып, стипендия алады. Жатақханамен де қамтамасыз етіледі. Айта кетейік, қазір бұл бағдарлама аясында Қарулы күштер мен еліміздегі 70-тен астам жоғары оқу орны әріптестік орнатқан.

«Сарбаз 2.0» әскери қызметшілерді әлеуметтік қолдаудың тиімді тетіктерінің бірі болып саналады. Ол жастар арасында әскери қызметтің тартымдылығын арттыруға ықпал етіп, запасқа шығарылғаннан кейін білім алу мен кәсіби дамуға қосымша мүмкіндіктер жасайды.