Эстетикалық топтық гимнастикадан Азия чемпионаты өтеді

13-14 маусымда Астанада эстетикалық топтық гимнастикадан Азия чемпионаты өтеді. Құрлықтық біріншілік Қазақстанда алғаш рет ұйымдастырылмақ. Бұл елімізде аталған спорт түрінің қарқынды дамып жатқанын көрсетеді. Турнирге Беларусь, Қырғызстан, Малайзия, Ресей, Сингапур, АҚШ, Финляндия, Эстония, Жапония және Қазақстанның  үздік командалары қатысады.

Әйгерім Әбділдина, Астана эстетикалық топтық гимнастика федерациясының президенті:

Біз 2018 жылдан бастап Қазақстанда дамып жатырмыз. Сол уақыттан бастап бізде өте көп жарыстар болып жатыр. 2023 жылы Әлем чемпионаты болды Алматы қаласында. Осы 8 жылдың ішінде 211 халықаралық дәрежедегі спорт шебері және 409 Қазақстан Республикасының спорт шебері даярланған балалар бар.