Медициналық қалдықтарды рұқсат етілмеген жерге төккендер жауапқа тартылады

Батыс Қазақстан облысында медициналық қалдықтарды рұқсат етілмеген жерге тастағандар жауапкершілікке тартылады. Денсаулық сақтау министрлігінің хабарлауынша, жағдай жіті бақылауда.

Қоқыс тасталған орынды құқық қорғаушылар, экологтар мен санитарлық-эпидемиологиялық қызмет мамандары арнайы тексеріп шықты. Полицейлер серіктестікке тиесілі аумақтан жалпы салмағы 115 келі болатын қалдықтарды анықтап, заттық дәлел ретінде хаттама толтырылды. Табиғатқа келген залал көлемін анықтау үшін мамандар топырақтан сынама алды. Сондай-ақ залалсыздандыру жұмыстары жүргізілді. Зертханалық тексеріс нәтижесі 3-7 күн арасында шығады. Барлық материал құқықтық баға беру үшін құзырлы орындарға жолданды.