Елімізде балаларға арналған ойын автоматтары бақылауға алынады

Қазақстанда балаларға арналған ойын автоматтарының жұмысы заң жүзінде реттелмек. Бұл туралы Туризм және спорт министрі Ербол Мырзабосынов айтты. Министрдің айтуынша, қазіргі заңнамада балаларға арналған ойын автоматтарының қызметін ешкім қадағаламайды. Яғни, «кран» үлгісіндегі ойын автоматтарының жұмысы ешбір мемлекеттік органның құзыретіне кірмейді. Сондықтан жаңа өзгерістер аясында оларды бақылауға жауапты уәкілетті орган белгіленбек.