Қазақстан – ТМД елдері арасында қоныс аударуға ең қолайлы мемлекет

Қазақстан ТМД елдері арасында қоныс аударуға ең қолайлы мемлекет деп танылды. Бұл – америкалық Remitly компаниясы дайындаған иммиграциялық индекс-2026 халықаралық рейтингінің нәтижесі. Зерттеуде Қазақстан ТМД елдері арасында топ жарған. Рейтингте Молдова 56-орынға, Әзербайжан 66, Армения 74, ал Өзбекстан 75-орында тұр. Сарапшылар елдерді қауіпсіздік деңгейі, денсаулық сақтау мен білім беру сапасы, жұмыс табу мүмкіндігі, тұрғын үйдің қолжетімділігі және өмір сүру жағдайы сияқты көрсеткіштер бойынша бағалаған. Зерттеу авторларының айтуынша, қазіргі таңда адамдар басқа елге көшуді таңдағанда ең алдымен қауіпсіздікке, өмір сапасына, медициналық қызметтердің қолжетімділігі мен болашақтағы мүмкіндіктеріне назар аударады.