Премьер-министр Сауд Арабиясының өнеркәсіп және минералдық ресурстар министрімен кездесті

Қазақстан мен Сауд Арабиясы тау-кен металлургия және аса маңызды минералдар өндірісінде бірлескен жобаларды жүзеге асыруға ниетті. Премьер-министр Олжас Бектенов осы елдің өнеркәсіп және минералдық ресурстар министрі Бандар әл-Хураифпен кездесті. Әңгімелесу барысында пайдалы қазбаларды барлау мен өндіру және жаңа өндірістерді ашу бойынша әріптестік мәселесі талқыланды. Былтыр екі ел арасындағы сауда-саттық 17 пайыз артып, 12 млн АҚШ долларына жуықтаған. Жалпы кейінгі 20 жылда Араб Корольдігінен елімізге 115 млн доллар инвестиция тартылды.