Қазақстан азаматы алғаш рет БҰҰ Мүгедектер құқықтары жөніндегі комитет мүшелігіне өтті

АҚШ-та Мүгедектердің құқықтары туралы конвенцияға қатысушы мемлекеттер конференциясында Мүгедектер құқықтары жөніндегі комитеттің 9 жаңа мүшесі сайланды. Дауыс беру қорытындысы бойынша Ләззат Қалтаева 157 мемлекеттен қолдау тауып, комитет мүшесі болып сайланды. Ләззат Қалтаева инклюзия және мүгедектігі бар адамдардың құқығын қорғау саласында 20 жылдан астам уақыттан бері еңбек етіп келеді. Қазіргі таңда ол Сенат Төрағасының кеңесшісі, әрі Сенат жанындағы Инклюзия жөніндегі кеңестің төрағасы қызметін атқарады.
Айта кетейік, аталған шарттық органның құрамына алғаш рет Орталық Азия өңірінің өкілі сайланып отыр.