Дағыстан Республикасында қатты жарылыс болды

Ресейдің Дағыстан республикасында газ құбыры магистралі мен газ тарату станциясында үш мәрте жарылыс болды. Содан кейін алапат өрт тұтанып, ол бірнеше сағатқа созылған. Жергілікті биліктің мәлімдеуінше, апат кезінде ешкім зардап шеккен жоқ. Жарылыс Қызылюрт қаласында болған. Жақын маңдағы жерден жүзден астам тұрғын қауіпсіз жерге көшірілді. Қазір оқиға орнында шұғыл қызмет мамандары жұмыс істеп жатыр. Жарылысқа не себеп болғаны әзірге жарияланған жоқ.