Халықаралық E-LIGHT 2026 жастар форумы басталды

Астанада халықаралық E-LIGHT 2026 жастар форумы өтіп жатыр. Фестиваль Қазақстан, Қытай және Жібек жолы бойындағы мемлекеттер арасындағы кәсіби әрі мәдени байланысты нығайтып, болашақтағы бірлескен жобаларға жол ашуға бағытталған. Оған энергетика саласының өкілдері, дипломаттар, сарапшылар, ғалымдар мен жас мамандар қатысты. Ұйымдастырушылардың айтуынша, қазіргі Жібек жолы тек көлік пен сауда бағыты ғана емес, мемлекеттер арасындағы тәжірибе алмасудың маңызды алаңына айналып келеді. Басқосуда энергетикалық қауіпсіздік, цифрландыру, инновация, кадр даярлау және халықаралық серіктестікті дамыту мәселелері талқыланды. Форумның басты ерекшелігі 7 елдің жастары бір алаңда бірігіп отыр.

Мында қытай аспаптарымен, өзіміздің домбырамызбен күй тартылып, ән шырқалады. Жалпы бұл бір біріміздің мәдениетімізбен жақынырақ танысу мақсатында ұйымдастырылған форум. Жастарымызбен өзімізді тығыз байланыстыру. Мұнай, сауда сияқты салаларда достық қарым-қатынасты қалыптастыру. Ұйымдастырушылар әр мекемеден шақырылған. Әсіресе мұнай саласынан көп жас маман келді.