Албания астанасы Тиранада мыңдаған адам шеруге шықты

Албания астанасы Тиранада мыңдаған адам шеруге шықты. Олар АҚШ президенті Дональд Трамптың күйеу баласы Джаред Кушнердің осы елде  люкстік курорт салу жоспарына наразылық білдіріп жатыр. Демонстранттардың сөзінше, құны 5 миллиард еуролық жоба жүзеге асатын болса, фламинголар, итбалықтар, теңіз тасбақалары мекендейтін батпақты аумақ экологиясына қауіп төнеді. Сонымен қатар, манифестанттар шетелдік инвесторлар жасақтаған құрылыс жоспарына күмәнмен қарайды. Алайда, премьер-министр Эди Рама атышулы жобаны аяғына дейін жеткізілетінін ескертті.