Тарихи құнды жәдігер табылды

Маңғыстауда көне Қарақабақ қалашығынан VI ғасырға жататын бірегей құмыра табылды.

Құнды тарихи олжа Қарақабақ қалашығында жүргізіліп жатқан археологиялық қазба жұмыстары кезінде анықталған. Алғашқы зерттеу нәтижелері жәдігердің жергілікті шеберлердің қолынан шыққанын көрсетіп отыр. Ғалымдардың айтуынша, құмыраны жан-жақты зерттеу арқылы көне қала тұрғындарының тұрмыс-тіршілігі, қолөнері мен мәдениеті туралы жаңа деректер алуға мүмкіндік бар. Айта кетейік, Түпқараған ауданы аумағындағы Қарақабақ қалашығы – Маңғыстаудағы ең маңызды археологиялық ескерткіштердің бірі. Зерттеулерге сүйенсек, ежелгі қала біздің заманымыздың I–VI ғасырларында болған.