СІМ Қазақстан азаматтарына Иранға бармауға кеңес берді

Сыртқы істер министрлігі қазақстандықтарға Иранға бармауға кеңес берді. Сенат қабырғасында журналистер сұрағына жауап берген вице-министр Ержан Ашықбаев тағы бірнеше елге бару қауіпті екенін айтты. Оның сөзінше дипломаттар жаһандағы ахуалды тұрақты түрде бақылап, зерделеп отырады. Геосаяси жағдайға байланысты жазғы маусымда Иранға бармаған дұрыс. Сонымен қатар эпидахуал ушығып тұрған Африканың бірнеше еліне де бармау керектігі айтылды. Қазір Конго мен Уганда елінде Эбола вирусының ошақтары тіркелген.