Жануарларды қорғауға бағытталған заң жобасы мақұлданды

Сенатта жануарлар дүниесі, аңшылық шаруашылығы және қоршаған ортаны қорғау саласындағы заңнаманы жетілдіруге бағытталған заң жобалары бірінші оқылымда қаралды. Құжатты сенатор Арман Өтеғұлов таныстырды. Заң аясында жануарларға қатыгездік жасағандарға жазаны қатаңдату көзделген. Қылмыстық кодекстің 316-бабына өзгерістер енгізіліп, айыппұл көлемін, сондай-ақ бас бостандығын шектеу және айыру мерзімдерін ұлғайту ұсынылып отыр. Сонымен қатар Әкімшілік құқық бұзушылық туралы кодекске енгізілетін түзетулер арқылы жануарларға жауапсыз қараған үшін де жауапкершілік күшейтіледі.