Бала құқығын қорғау жұмысы күшейтіліп жатыр

QR-111 жүйесі іске қосылғалы балалардан 167 мың хабарлама мен төрт жарым мың қоңырау түскен. Бұл туралы Президент қабылдауында болған Бала құқықтары жөніндегі уәкіл Динара Зәкиева айтты. Оның айтуынша, биыл «Қазақстан балалары» тұжырымдамасы қабылданып, 5 жылға арналған 158 шараны қамтитын жоспар әзірленген. Өңірлерде Балалар құқығын қорғау басқармалары құрылып, психологиялық қолдау жұмыстары күшейтілді. Президент барлық жауапты органдардың күш-жігерін біріктірудің маңызын атап өтті.