Қазақстан мен ЕО арасындағы сауда көлемі артты

Былтыр Қазақстан мен Еуропалық Одақ арасындағы тауар айналымы 45,2 млрд долларға жетті. Ал, биылғы төрт айда өзара сауда көлемі - 12,4 млрд доллар, оның 9,27 млрд доллары қазақстандық экспортқа тиесілі. Бұл туралы Олжас Бектеновтың төрағалығымен өткен «Қазақстан – Еуропалық Одақ» диалог платформасының 19-шы отырысында айтылды. Ауыл шаруашылығы өнімдерінің экспорты 34,3 пайызға өсіп, 266,2 млн долларды құрады. Премьер-министр елімізде жүргізіліп жатқан саяси-экономикалық реформалар мен инвестициялық ахуалды жақсарту шараларына тоқталып, бизнестің құқықтарын қорғау тетіктерін күшейтуді тапсырды.