Президент Қырғызстан Жогорку Кенешінің Төрағасын қабылдады

Мемлекет басшысы Қырғыз Республикасы Жогорку Кенешінің Төрағасы Марлен Маматалиевті қабылдады. Алатауды қатар жайлаған қос елдің бірлігі берік. Президент айыр қалпақты ағайын мен қазақ халқын ғасырлар бойы жалғап келе жатқан бауырластық байланыстардың маңызына тоқталып, бұл кездесудің екіжақты қарым-қатынасқа жаңа серпін беретінін жеткізді. Сондай-ақ Қасым-Жомарт Тоқаев көршілес елдің БҰҰ Қауіпсіздік Кеңесінің тұрақты емес мүшесі болғанымен құттықтады. Бұл жетістік тек қырғыз елі үшін ғана емес, күллі Орталық Азия өңірі үшін маңызды тарихи оқиға екенін айтты.