Мемлекеттік акциялардан бюджетке 164,7 млрд теңге дивиденд түскен

2025 жылы мемлекеттік акциялар үлесінен республикалық бюджетке 164 млрд 700 млн теңге дивиденд түскен. Бұл туралы Қаржы министрлігі Мемлекеттік мүлік және жекешелендіру комитетінің төрағасы Нұрмахан Әділбеков мәлімдеді. Қазіргі таңда комитеттің басқаруында 134 акционерлік қоғам, 37 жауапкершілігі шектеулі серіктестік және 168 республикалық мемлекеттік кәсіпорын бар. Бұл мемлекеттік активтердің тиімді басқару және олардың жұмысын жүйелеу бағытындағы ауқымды құрылымын көрсетеді. 

2025 жылы республикалық тұрғын үй емес қордың 1638 объектісі және 107 жабдық бірлігі жалға беріліп, олардан республикалық бюджетке 2,7 млрд теңге түсті.