Ақмола облысының 5 ауданына 5 мың қаз таратылды

Ақмола облысындағы 5 ауданының тұрғындарына тауарлық несие шартымен 5 мың қаз балапаны таратылды. Бұл бастама «Ауыл» партиясының «Қаз хабы» жобасы аясында ауылшаруашылық кооперацияны дамыту мақсатында қолға алынған. Осымен 3 жыл қатарынан жүзеге асып келе жатқан  жобаға 80-ге жуық ауыл тұрғыны қатысуға ниет білдірген. Жоба шарты тиімді. Өсірген балапандарының тек 10 пайызын қаз еті түрінде қайтарса, барлық құстың мамығын ауылшаруашылық кооперативіне тапсырады. Денсаулығына байланысты уақытша жұмыссыз қалған Тасшалқар ауылының тұрғыны Асан Бейсенбаев екі қолға бір күрек табылғанына риза. Ол 50 қаз өсіруге бел буып келген.

Бесеуін бергенде маған 45-і қалып жатыр. Оны ертеңгі күні сатсаң, ақша, жесең, ет деген сияқты. Бізге өте пайдалы, тиімді нәрсе.

Бұл жерде адам еңбек етіп үйренуі қажет. Бұл партияның жасап жатқан жобасының басты мақсаты - ауыл тұрғындарының табысын арттыру, технологияға үйрету. Үшіншіден, мамықты қайта өңдейтін зауыттарды шикізатпен қамтамасыз ету.