Қызылордада студенттер мен оқушылар флешмоб ұйымдастырды

Қызылордада 500-ден аса жас қауіпсіз ортаны қамтамасыз етуге үндейтін флешмоб өткізді. Шара «Заң мен тәртіп» қағидаты аясында ұйымдастырылды.

Орталық алаңға жиналған студенттер мен оқушылар топтасып QR кодты бейнелеп, сол арқылы үлкен экраннан арнайы бейнеролик қосылды. Онда жазғы демалыс маусымында үлкен айдындарда суға шомылудың қаупі, жол қозғалысы ережелері мен өрт қауіпсіздігін ескеру туралы маңызды ақпарат берілген.

Мағжан Ниязов, облыстық Білім басқармасының бөлім басшысы:

Бұл жерде судағы қауіпсіздік, балалардың түнгі қауіпсіздігі, жалпы қауіпсіздік туралы осы экраннан көрсетіледі. Сол видеоны барлық ауданға, ауылдарға таратамыз.