Астанада ЖИ бойынша жазғы мектеп басталды

«AI Summer school 2026». Елордада Жасанды интеллект саласы бойынша сабақтар басталды. Енді еліміздегі 6 университеттің 150 маманы әлемнің жетекші оқу орындарында жұмыс істейтін зерттеушілерден дәріс алады. Біліктілікті арттыру жұмысы екі бағытта жүргізіледі. 30-дан аса профессор келушілердің бір тобына жасанды инетеллектіні пайдалануды үйретеді. Ал кәсіби инженерлерге бағдарламалаудың жаңа тәсілдерін көрсетеді. Сабақтар 21 маусымға дейін жалғасады.

MIT, Гарвард, Кардифф университетінен, Ригадан мамандары дәріс беріп жатыр. Негізгі тақырып – ЖИ. Бірақ оның ішінде де сала салаға бөлінеді. Былтырғы тақырыбымыз тілдік модельдеу болатын. Биыл әлем деңгейіндегі маңызды тақырып ол мультиагенттік система.