Абай облысында бір тәулікте 14 орман өрті тіркелді

«Семей орманы» мемлекеттік орман табиғи резерваты аумағында бір тәулікте 14 орман өрті тіркелді. Бұл туралы Экология және табиғи ресурстар министрлігі хабарлады. Дегенмен орман күзеті қызметкерлері жедел әрекет етіп, тілсіз жаудың таралуына жол бермеді. Өрт туралы хабарламалардың дер кезінде жетуінің арқасында, барлық өрт ошағы оқшауланған. Тілсіз жаудың неден тұтанғаны белгісіз. Өңірде бірнеше апта бойы 33-35 градус  аптап ыстық қайтпай тұр. Орман өртін болдырмас үшін мамандар күшейтілген режимде жұмыс істеуге көшкен.