Абай облысында 2 теміржол станциясы пайдалануға берілді

Елімізде 124 теміржол вокзалы жөнделіп жатыр. Соның алғашқы екеуі Абай облысында пайдалануға берілді. Бородулиха ауданының Ауыл және Белағаш станциясында теміржол бекеттері толық жаңартылды. Ауыл станциясындағы вокзал 1929 жылы салынған. Ғимараттың инженерлік жүйелері ауыстырылды. Күту залы мен қызмет көрсету аймақтары да жөнделді. Ал 900-ден астам халқы бар Белағаш станциясының салынғанына ғасырдан асты. Сондықтан ескінің орнына бой көтерген заманауи ғимаратқа тұрғындар дән риза.

Мен осы ауылдың тұрғынымын. Міне, вокзалымыз жаңарып жатыр. Ескінің аты - ескі. Қазір іші жаңа. Міне, алды қандай?! Бәрі қолайлы. Үлкен кісілерге де, кішкентай балаларға да. Іші өте әдемі. Кең, жарық.