Астанадағы саябаққа от қойғандар ұсталды

Астанадағы саябақтардың бірінде газонға қасақана өрт қойған жасөспірімдер ұсталды. Алдын ала мәліметке сәйкес, бүгін таңсәріде кәмелетке толмаған 4 жеткіншек саябақ аумағына әдейі от қойған. Қызыл жалын дер кезінде сөндіріліп, ешкім зардап шеккен жоқ. Қазір бөтеннің мүлкін қасақана бүлдіру фактісімен қылмыстық іс қозғалды. Сондай-ақ жасөспірімдердің ата-аналары немесе заңды өкілдері балаларды тәрбиелеу міндеттерін тиісінше орындамағаны үшін жауапкершілікке тартылады.