Медицина саласының үздіктері анықталды

Медицина саласындағы «Өз кәсібінің үздігі» байқауының жеңімпаздары анықталды.

Оған дәрігерлер, мейіргерлер, ғалымдар, медициналық жоғары оқу орындары мен колледждердің оқытушылары, фельдшерлер мен санитариялық-эпидемиологиялық қызметкерлер қатысқан. Білікті мамандар «Үздік акушер», «Үздік ауыл мейіргері», «Үздік фельдшер» секілді 17 аталым бойынша марапатталды. Сондай-ақ Алматы қаласының емханасы, Абай облысындағы жастар денсаулық орталығы және Түркістан облысының жедел медициналық жәрдем станциясы Қазақстандағы озық ұйым ретінде танылды.

Гүлжан Мүзәрәпшанқызы, «Үздік ауыл мейіргерi»:

Осы салада қызмет етіп келе жатқаныма 38 жылға жуық уақыт болды. Мен тұратын ауылда 2000-ға жуық халық бар. Біз оларға сапалы медициналық көмек көрсетуге тырысамыз. Адамдарға көмектескенді жақсы көремін. Сол сезім мені медицинаға әкелді деп ойлаймын. Осы «Үздік ауыл мейіргері» атанғаныма қуаныштымын.