Зейнетақы жүйесіне өзгерістер енгізілмек: Арнайы жұмыс тобы құрылды

Елімізде зейнетақы жүйесіне өзгерістер енгізу мәселесі талқыланып жатыр. Осы мақсатта арнайы жұмыс тобы құрылды. Еңбек министрлігі мен сарапшылар болашақта зейнетақы төлемдерінің тұрақтылығын қамтамасыз ету үшін бірнеше жаңа тетікті қарастырып жатыр. Соның ішінде 40 жыл еңбек өтілі бар азаматтарға зейнетке шығу уақытын икемді реттеу ұсынысы да бар. Сондай-ақ мамандар зейнетақы жүйесін тек жеке жинаққа тәуелді етпей, мемлекет пен қоғамның ортақ жауапкершілігіне негізделген модельдерді талқылап жатыр. Бұл азаматтарға өмір бойы тұрақты төлем алуға мүмкіндік беруі тиіс. Әзірге зейнет жасын өзгерту немесе жаңа тәртіп енгізу туралы нақты шешім қабылданған жоқ. Барлық ұсыныстар талқылану кезеңінде.