Президент сайлауында Трампшыл кандидат жеңіске жетті

Ал Колумбияда өткен президенттік сайлаудың екінші турында трампшыл кандидат Абелардо де ла Эсприэлья болмашы басымдықпен жеңіске жетті. Ол көтерілісші топтарға қарсы әскери науқанды қайта жандандыруға уәде беріп отыр. Бюллетендердің 99 пайызы саналып болған. Алғашқы қорытындыға сәйкес, 47 жастағы Эсприэльяға электораттың 49,65 пайызы дауыс берген. Есірткі картельдеріне, алаяқтарға, футбол жұлдыздарына, қарулы топтарға адвокаттық қызмет көрсетіп, миллионер атанған Эсприэлья АҚШ азаматтығына да ие. Ал оның қарсыласы Иван Сепеда 47,70 пайыз дауыс жинады. Ол сайлау нәтижесін мойындаудан бас тартып, 33 мың жәшіктегі бюллетендерді қайта санауды талап етіп отыр.