Басты Жаңалықтар Щучинскіде «Айбын-2026» халықаралық әскери-патриоттық іс-шарасы басталды

Щучинскіде «Айбын-2026» халықаралық әскери-патриоттық іс-шарасы басталды

22.06.2026 10:20

Бүгін Ақмола облысының Щучинск қаласында «Айбын-2026» халықаралық әскери-патриоттық жиыны басталды. Оған еліміздің әр өңірінен және Әзербайжан, Беларусь, Қырғызстан, Ресей мен Өзбекстан елдерінен барлығы 53 команда қатысады. Жиыннан тікелей эфирге аймақтағы тілшіміз Бибінұр Әмірханқызы қосылып отыр. Бибінұр, жиынның алғашқы күні қалай өтіп жатыр? Биылғы бағдарламаның ерекшелігі неде?

Бибінұр Әмірханқызы, тілші

Мен қазір Щучинскідегі Шоқан Уәлиханов атындағы әскери колледждің «Амандық» оқу-жаттығу орталығында тұрмын. Бұл жерде 900-ден астам жасөспірім үшін үлкен шатырлы лагерь тігілген. Осымен 12-ші мәрте жалауын көтерген жиынның дәл қазір салтанатты ашылу рәсімі болып жатыр. Бұл жастардың патриоттық рухын көтеріп, отаншылдыққа баулитын жиын болғандықтан, мұндағы тәртіп әскердегідей. Алғашқы күннен бастап, қатысушылар ерте тұрып, жүгіріп, таңғы жаттығуларын жасады. Бұл да алдағы жарысқа дайындықтың бір парасы деуге болады. Жалпы, «Айбын-2026» бағдарламасына әскери-спорттық, зияткерлік және шығармашылық сайыстар енгізілген. Ал биылғы бағдарламаның ерекшелігі туралы «Жас сарбаз» балалар-жасөспірімдер әскери-патриоттық қозғалысы» республикалық бірлестігінің төрағасы, майор Мейірбек Меңдіғалиев айтып береді.

Бүгін жарыстың алғашқы күні жасөспірімдер робототехника мен зияткерлік ойындарға қатысып, өзара мықтыны анықтайтын болады.

Автор

Бибінұр Әмірханқызы

Бөлісу