Түркістан облысында тау-шаңғы шипажайы салынады

Премьер-министрдің бірінші орынбасары Нұрлыбек Нәлібаев Түркістан облысына жұмыс сапары барысында экотуризмді дамытуға арналған көшпелі кеңес өткізді. «Сайрам – Өгем» ұлттық паркінде ұйымдастырылған жиынға 50-ден астам отандық және шетелдік инвестор қатысты. Кеңесте туристік инфрақұрылымды дамытуға бағытталған бірқатар жобалар таныстырылды. Соның бірі  – құны 172 миллиард теңге болатын Kaskasu халықаралық тау-шаңғы кластерінің тұжырымдамасы. Бұл бастама Түркістан облысын Орталық Азиядағы жетекші тау туризмі орталықтарының біріне айналдыруды көздейді. Нұрлыбек Нәлібаев инвесторларға жобаларды сапалы әрі белгіленген мерзімде іске асыруды тапсырды.

Кейбір кәсіпкерлердің эскиздерін қарап-ақ, үлкен сұрақтар туындап жатыр. Қатаң зерттеп, талдап шығу керек. Бірден 49 жылға бере салмаймыз. Мерзім болады, сол мерзімде салмаған жағдайда біз өзіміз қайтарып аламыз.