Әл-Фарабидегі жол апаты: Александр Пак 10 жылға сотталды

Алматыда Әл-Фараби даңғылындағы үш адамның өліміне әкелген жол-көлік оқиғасы бойынша айыпталған Александр Пак 10 жылға бас бостандығынан айырылды. Бұған дейін мемлекеттік айыптаушы Әлібек Күмісбеков соттан Александр Пакқа 10 жыл мерзімге бас бостандығынан айыру жазасын тағайындауды сұраған еді. Сот үкіміне сәйкес, Пак жәбірленуші тарапқа 10 миллион теңге көлемінде өтемақы төлеуге міндеттелді. Сондай-ақ сотталушы өмір бойына көлік жүргізу құқығынан айрылды. Ол жазасын қауіпсіздігі ең төмен түзеу мекемесінде өтейді. Судьяның айтуынша, сотталушының кінәсі куәгерлердің жауаптары, сараптама қорытындылары және іс материалдарымен толық дәлелденген.

Еске сала кетейін, қайғылы жол-көлік оқиғасы 21 наурыз түні Әл-Фараби даңғылында болған. Апат салдарынан Mercedes көлігінің жүргізушісі мен екі жолаушысы оқиға орнында көз жұмды.