Павлодар облысында «Ертіс орманы» резерватына кіруге тыйым салынды

Елімізде де аптап ыстық. Осыған  байланысты «Ертіс орманы» резерваты аумағына кіруге тыйым салынды. Бұл еліміздегі «Семей орманы» резерватынан кейінгі ең үлкен орман. Қазір қарағай іші құрғап тұр. Себебі, соңғы 20 күнде жаңбыр жауған жоқ. Ауа температурасы 30 градустан төмендеген емес.

Сондықтан мемлекеттік орман қорында өрт қауіптілігінің төтенше түрі, яғни 5 класты деңгейі жарияланды. Бұл ешбір адам және кез келген көлік құралдары резерватқа кіргізілмейді деген сөз. Сондай-ақ орман қорғау қызметіне қатысы жоқ жұмыстарды жүргізуге толықтай тыйым салынады.