Қызылорда полицейлеріне 94 қызметтік автокөлік берілді

Қызылордада тәртіп сақшыларына 94 қызметтік автокөлік берілді. Арнайы қондырғылармен жабдықталған темір тұлпарлар Полиция күніне орай өткен салтанатты түрде табысталды. Төл мерекеде жеке құрам сап түзеп, қызмет бабын мінсіз атқарған қызметкерлер марапат төрінен көрінді. Облыс әкімі сақшыларды полиция күнімен құттықтап, қоғамдық тәртіп пен тыныштықты күзетіп жүрген инспекторларға алғысын білдірді.

Жаңа автокөліктермен тәртіп сақшыларының қызмет атқару сапасы артып, құқықбұзушылық пен қылмысқа жол бермеуге, облыста қоғамдық тәртіпті қамтамасыз етуге өз септігін тигізбек.