Экологиялық бақылау күшейтілді

«Таза Қазақстан» бағдарламасы аясында экологиялық мәдениетті арттыру және табиғатты қорғау шаралары жалғасып жатыр. Экологиялық тәртіпті бақылауға 1,4 мыңға жуық мобильді топ жұмылған. Жыл басынан бері санитарлық және экологиялық талаптарды бұзудың 177 мыңнан астам дерегі анықталды. Заңсыз қоқыс орындарын жою жұмыстары жалғасуда: 248 орын анықталып, соның 153-і жойылды. Бұл елді мекендердің санитарлық жағдайын жақсартуға ықпал етті. Тәртіпті қамтамасыз етуге 8 мыңнан астам полиция қызметкері тартылған. Мобильді топтар алдын алу және бақылау жұмыстарын жүргізеді.