Ұлттық арна тілшісі Самал Қабышева «Парламент сөзі» сыйлығын иеленді

Ұлттық арна тілшісі, әріптесіміз Самал Қабышева «Парламент сөзі» сыйлығын иеленді. Бүгін байқаудың жеңімпаздары марапатталды. Мәртебелі сыйлықты Парламент Мәжілісінің Төрағасы Ерлан Қошанов табыстап, журналистер қауымның еңбегіне алғысын білдірді.Үздіктер 7 аталым бойынша марапатталды. Арнамыздың арнайы тілшісі Самал Қабышева «Үздік телевизиялық сюжет» номинациясын жеңіп алды. 

Самал Қабышева, «Парламент сөзі» сыйлығының иегері: 

Өз басыма келетін болсам, қаншама тікелей эфир. Үздіксіз эфирдің артында үлкен командалық жұмыстың еңбегі тұр. Ол жерде әр маманның өзінің атқаратын рөлі бар. Сондықтан, бұл қара шаңырақ Ұлттық арнаға берілген баға деп білемін. Барлық әріптестерімді кәсіби мерекесімен шын жүректен құттықтаймын.