Жаңа Зеландияда алапат дауыл соғып, 200 әуе рейсі доғарылды

Жаңа Зеландияның орталығына алапат дауыл соққы берді. Сұрапыл желдің екпінінен ағаштар құлап, мыңдаған адам жарықсыз қалды. Сонымен қатар, мемлекет астанасы Веллингтон әуежайында 200-дей рейс доғарылды. Жаңа Зеландия ұлттық метеорологиялық қызметі болса, ауа райының күрт нашарлайтынын ескертіп, бірнеше рет хабарлама таратты. Соңғы мәліметке қарағанда, 3 мыңдай абонентке жарық қайта берілді. Дегенмен, жергілікті энергетикалық компания 4 мыңдай тұтынушының электр желісіне әлі қосылмағанын мәлімдеп отыр.