Қазақстан мен Еуропалық Одақ: Не береміз, не аламыз?

Жаңа көзқарастың соғыспен байланысты факторлардан өрбитіні рас. Бұл, бейнелеп айтқанда, «біреудің сүйегінде билеу» емес, дегенмен мемлекет пайдасына шешіп алатын сәт.

Сапар алдында Президенттің Euronews-тің порталында мақаласы жарияланды. Брюссельге неге бара жатқанын тарау-тарау жіктеген. Сонда, цитата:

«Әрбір саяхатшы түсінеді: жол неғұрлым белгісіз болса, сенімді серіктердің құны соғұрлым жоғары болады. Әлеміміз белгісіздікке толы болған сайын, Қазақстан мен Еуропа қазірдің өзінде осындай жолсеріктерге айналды. Біздің халықаралық ынтымақтастыққа деген теңгерімді, прагматикалық және сындарлы көзқарасымыз өзгеріссіз қалады... Біздің келіспейтін тұстарымыз бар, бірақ біз бір-бірімізді жақсы танимыз», – деген.