Еуропа Кеңесі Қазақстандағы реформаларды қолдады

Еуропа Кеңесінің Парламенттік ассамблеясының 22 мүшесі «Қазақстандағы конституциялық референдум: реформалардың жаңа кезеңі» деген атаумен жазбаша декларация қабылдапты. Онда біздің еліміздегі саяси жаңаруға қолдау көрсететіндерін білдірген. Авторы – Еуропа Кеңесі Парламенттік ассамблеясының депутаты, Түркия өкілі Мехмет Акалын. Қол қойған парламентшілер түрлі мемлекеттердің және түрлі партиялардың өкілдері. 15 наурызда бізде өткен референдумды институционалды трансформацияның, мемлекеттік басқару жүйесін жетілдірудің маңызды кезеңі деп санайды. Цитата: «Реформалардың мұраты – мемлекеттік басқарудың теңгерімді үлгіге көшуін, есеп беру тетіктерін берік қыла түсу мақсатын, азаматтардың конституциялық әділетке қол жеткізу мүмкіндіктерінің кеңеюін, адам құқықтарына берілетін кепілдіктердің нығаюын құптаймыз».