Қызылордада дауылдан қаланың біраз бөлігі жарықсыз қалды

Қызылордада дауылдан қаланың біраз бөлігі жарықсыз қалды. Кеше кешкісін қатты желден электр желілері үзіліп, біраз нысан зақымданды.
Қала іргесіндегі Тасбөгет кентінде екіқабатты үйдің шатыры ұшып, жоғары кернеулі электр бағанасын құлатқан. Дауылдың жойқын болғаны сонша мешіттің күмбезіне дейін жерге домалап түскен. Сондай-ақ, Сәулет мөлтек ауданында бір көшенің жарық шамдары құлап қалды. Табиғаттың тосын мінезінен кейін қираған дүниелерді қайта қалпына келтіру үшін арнайы бригадалар түнімен жұмыс істеп, қала әкімі жағдайды бақылауға алды.