Шомылу маусымы басталғалы елімізде 53 адам суға батып кетті

Шомылу маусымы басталғалы елімізде 53 адам суға батып кетті. Оның 21-і бала.
Қайғылы оқиғалардың алдын алу мақсатында Солтүстік Қазақстан облысының прокуратурасы мен Төтенше жағдайлар департаменті «Судағы қауіпсіздік» акциясын ұйымдастырды. «Заң мен тәртіп» қағидасы аясында өткен шара барысында мамандар тұрғындармен кездесіп, судағы және жолдағы қауіпсіздік ережелерін түсіндірді, жаднамалар таратты. Профилактикалық жұмыс облыс орталығындағы Есіл өзенінің және Пестрое көлінің жағажайында жүргізілді.
Дәулет Ақылбекұлы, Петропавл қалалық прокуратурасының прокуроры:

Акция жазғы маусым аяқталғанға дейін жалғасатын болады. Және мемлекеттік органдармен түрлі рейдтік шаралар жүзеге асырылуда, заң талаптары түсіндірілуде. 500-ден астам тыйым салу белгілері орнатылды.