Еуропада аптап ыстықтан қайтыс болғандар саны 1300-ден асты

Еуропада бұрын-соңды болмаған аптап ыстықтан соңғы бір аптада 1300-ден астам адам жан тәсілім еткен. Мұны Дүниежүзілік денсаулық сақтау ұйымының бас директоры Тедрос Адханом Гебрейесус мәлімдеді. Оның дерегінше, құрбандардың көбі – 65 жастан асқандар. Бұл континентте тағы ондаған миллион адам қолайсыз ауа-райынан зардап шегіп отыр.
Айта кетсек, қазір Еуропаның бірнеше елінде сынап бағанасы 40 градустан жоғарылап тұр. Солардың қатарында Германия, Польша, Чех Республикасы бар. Франциядағы жағдай да қиын. Мұнда ыстық басталғалы 74 адам суға кеткен.