Басты Жаңалықтар Францияда ұшақ құлады

Францияда ұшақ құлады

29.06.2026 13:06

Францияда шағын ұшақ құлап, 11 адам қаза тапты. Қайғылы оқиға Томблен қаласында болды. Жергілікті полицияның мәлімдеуінше, мерт болғандардың біреуі пилот, қалғандары парашют мектебінің инструкторлары мен курсанттары.

Айта кетсек, бұл апатқа туыстарының ұшақтан секіру сәтін тамашалау үшін аэродромға жиналған адамдар да куә болды.

Авиациялық техника Нанси-Эссе әуежайынан көкке көтерілгеннен кейін дереу төмен қарай құлдилаған. Билік өкілдері айтқандай, қанатты машина тұрғын үйлерді соға жаздап жерге түскен.

Апатқа не себеп болғаны әзірге белгісіз. Франция ішкі істер министрлігінің хабарлауынша, Париж прокруратурасы трагедияға байланысты тергеу жүргізіп жатыр.

Автор

Арыстан Рысбек

Бөлісу