Apple өнімдері қымбаттады

Apple компаниясының iPad пен MacBook сияқты құрылғыларының бағасы күрт өсті. Бұған дерек сақтау чиптері құнының қымбаттауы себеп болған.

Мәселен, көпшілік қолданатын ноутбук – MacBook Neo бағасы бірнеше айдың ішінде 599 доллардан 699 долларға дейін өскен.

Компания мәлімдемесінде мұндай қысқа уақытта бөлшектер құнының бұрын-соңды бұлай қымбаттамағаны айтылған.

Сарапшылардың пікірінше, чип өндірушілер қазір жасанды интеллект индустриясына басымдық беріп отыр. Соның салдарынан электроника нарығында жады микросхемалары тапшы болып, құрылғылардың өзіндік құны артып келеді.