БҚО-да алаяқтарға көмектескен 7 студент сотталды

БҚО-да алаяқтарға көмектескені үшін 7 студент сотталды. Олардың банк шоттары арқылы 4 млн теңге қаражат өткен.

Сот шешімімен 19 жастағы колледж оқушыларының үш жылға бас бостандығы шектелді. Енді олар мәжбүрлі еңбекке тартылуға, пробация қызметінің есебінде тұруға міндетті. Егер бұл талаптар сақталмаса, бас бостандығынан айырылып, түзеу мекемесіне жіберіледі. Жалпы соңғы бес айда алаяқтар дропперлер көмегімен 400 млн теңгені қолма-қол ақшаға айналдырған. Заң шыққалы, яғни күзден бері 700-ден астам қылмыстық іс тіркелген. 216 дроппер жауапкершілікке тартылып, 202-сі сотталды.