Әзербайжан мектептерінде телефон ұстауға тыйым салынды

Әзербайжан мектептерінде сабақ кезінде телефон ұстауға тыйым салынды. Тиісті шешімге елдің Ғылым және білім министрі қол қойған. Жаңа ережелерге сәйкес телефонды ғана емес, смарт сағаттар мен ноутбуктарды пайданалуға болмайды. Бірақ сабаққа қажет болғанда электронды материалдар үшін рұқсат етіледі.

Айта кетейік, дәл осындай талаптың біздің елде де енгізілетіні бұған дейін айтылған еді. Оқу-ағарту министрлігі 1-7 сынып оқушыларына телефонды шектемекші. Ал 7-11 сынып оқушыларына тыйым салынбауы мүмкін. Өйткені, олар Ұлттық бірыңғай тестілеуге дайындалады, деген еді министр Жұлдыз Сүлейменова. Алайда бұл ереже әлі бекітілген жоқ. Қазір министрлік мәселені жан-жақты талқылап жатыр.