Павлодарда жол апатынан екі адам қаза тапты

Павлодар қаласының орталығындағы Назарбаев даңғылында жол апаты болып, екі адам қаза тапты. Тағы біреуі ауруханаға жеткізілді. Жағдайы мүшкіл. Көшеде кетіп бара жатқан  үш бірдей адамды соққан жүргізуші уақытша ұстау изоляторына қамалып, қылмыстық іс қозғалды. Қазіргі уақытта оқиғаның барлық мән-жайы анықталып жатыр. Полиция мәліметіне қарағанда Mitsubishi Carisma автокөлігінің жүргізушісі қарсы қозғалыс жолағына шығып кеткен. Адамдарды қағып, кейін баған мен автобус аялдамасына соққан. Соққының қатты болғаны сонша көлік аударылып қалды.