Полиция департаменті: Жалған QR көбейді

Сақ болыңыз! Алаяқтар жалған кьюар орнатып, тұрғындарды алдауы мүмкін. Полиция департаменті осылай деп үндеу жасады. Әккілер түпнұсқаның үстіне жалған кьюарды жапсырады. Ескеретін жайт, кьюар код арқылы өтіп, ешуақытта жеке деректерді енгізбеңіз. Егер енгізуді сұраса, бұл алаяқтардың ісі екеніне күмән жоқ. Ал жалған кьюарды сканерлеп қойған жағдайда банктен бірден қосымша арқылы картаны бұғаттауды сұраңыз. Өйткені көп жағдайда жалған кьюар арқылы төлем бірден емес, бірнеше минуттан кейін өтеді.